या बाबत आणखी एक वैशिष्ट्य सांगितले जाते ते म्हणजे पांडुरंगाचे परम भक्त बेलापूरकर महाराज दर एकादशीला पंढरपूर वारी करीत असत. पांडुरंगाने त्यांना दृष्टांत देऊन सांगितले की तु मला दर एकादशीला भेटतो परंतु वैशाख शू.|| ला मात्र तुला माझ्या दर्शनापासून वंचित राहावे लागते कारण वैशाखातील शु|| एकादशीला मी माझ्या प्रिय भक्त सखारामाच्या भेटीला अमळनेरला जातो. त्यामुळे तू वैशाखातील या एकादशीला अमळनेर वारी कर म्हणजे आपली भेट होईल. या कारणाने बेलापूरकर महाराज वैशाखातील शु|| एकादशीला अमळनेर येथे असतात. त्यांचे आगमन पांडुरंगासह नवमीला होते. गावांबाहेर ते मुक्काम करतात व दशमीच्या दिवशी स्वत; विद्यमान गादीपती श्री प्रसाद महाराज गांव वेशीवरून त्यांना मिरवणुकीने वाडीमधील मंदिरात घेऊन येतात अशी ही परंपरा गेल्या 200 वर्षापासून सुरू आहे. बेलापूरकरांसोबत पंढरीचा पांडुरंग अमळनेर ला येतो म्हणूनही अमळनेरला ‘प्रतिपंढरपूर’ म्हणतात.

अश्या या प्रतिपंढरपूर असलेल्या अमळनेर शहराला ज्यांच्यामुळे प्रसिद्धी मिळाली त्या संत श्री सखाराम महाराजांचे आध्यात्मिक क्षेत्रातील स्थान अतिशय उच्च कोटीचे आहे. कारण बालवयात त्यांना व्यावहारिक शिक्षण देणारे त्यात्या पंतोजी यांना पहिला साक्षात्कार झाला आणि तो त्यांनी सखारामास बोलुन दाखवला.